maxa sababay afganbiyadda ciiddan ee ka dhanka ah france?

 laga soo bilaabo sanadkii 2020, waxa lix dal oo african ah ka dhacay afganbi sida dalalka Chad 4/2021, dalka Mali 5/2021, Guinea 9/2021, Burkina faso 1/2020, Niger 7/2023, Gabon 8/2023, falalkan markii ay ciidanku samaynayeen bulshadu waa ay soo dhawaysay oo ay tageertay. 

dalka Gabon madaxwaynihiisa waxa ay askarku ku eedeeyen inuu doorashadii uu ku sameeyay is dabamarin, sidaas darteedna ay u afganbiyeen, halka dalka Niger madaxwaynihiisii maxamed bazouma oo si sharciya shacabku u doorteen uu isku shadhayn ku sameeyay ciidanka qarankiisa, hoggaana uga dhigay  Abdourahamane Tchiani, ninkan ayaa damac galay oo xukunkii ka dhigay mid ciiddan oo isagu gadhwadeen ka yahay, haddaba sadex siyaabood ayaa shacabku usoo dhaweeyen afganbiyaddan.

1= Dawladdaha oo aan kasoo bixin balan qaadyadoodii

dalalkani waa mid dadkoodu faqri ku noolyihiin lkn leh macdan, dalalka gabon iyo chad waxa ay leeyihiin saliidda qaydhiin, halka dalalka Guinea iyo Burkino Faso laga qodo dahab faro badan, sidoo kale dalalka niger iyo mali waxa laga soo saara macdanta la yidhaa uranium, waxan oo khayraad ahi ma gaadhan shacabka ee waxa macaashkooda quuta shirkado waawayn oo la heshiis ah madaxda dalalkan. 

2= Dhibaato dhanka amniga ah 

dalalkani waxa ay dhacaan dhulka saxaraha ah ee la yidhaa "sahel region" badankoodu, dhulkan waxa dhib ku haya labada urur ee ISIL iyo Al-qacidda oo falal badan oo amni darro ah ka fuliya, waxa lagu qiyaasay dadka argagixisaddu ay dishay sanad kii 2022 adduunka oo dhan in 43% ay kasoo jeeden gobalkan, waa tiro ka badan inta argagixisadu ku dishay koonfurta eeshiyaa, bariga dhexe iyo waliba waqooyiga africa oo la isku daray, askartani waxa ay dood ka dhigteen inay amnigan farah ka baxay ay rabaan inay wax ka qabtaan oo ay gobolka xasiliyaan. 

3= France nacayb ama diidmo france 

dalalkani waxa wada gumaystay dhamaantood France, markii uu xoriyadda siiyayna farah kalama bixin e waxa uu ku bilaabay barakicin dhaqaale, tusaale ahaan: sharkadaha waa wayn ee macdanta qodda isaga iska leh faransiisku, wadanka Niger wuxuu kala baxaa macdanta uranium-ta oo warshadiisa hubka nuclear-tu u baahan tahay, waxa uu shacabka ku mashquuliyaa deeq aad u badan balse inta ay doonto ka yar lacagta macddanta uu ka qaata ay u goyn lahayd. 

France waxa uu gaystay ciiddankiisa si uu ula dagaalamo argagixisadda, bilowgii 2013 waxa ay soo hoyeen guulo waawayn balse markii danbe waxa ay is ka noqotay meel ayna wax kasoo naaso-cadayn, askartani waxa ay ku ololeeyen inay kasoo horjeedan gumaysiga qarsoon ee France ku hayo sidoo kale  inay wax walbana ka dhigi doonan xor haba ugu horeeyo dhaqaaluhu e. 

waxa halkan fursad ka helay wadanka Russia oo gaystay ciidankiisii calooshood u shaqaystayaasha ahaa ee Wegner group, waxa ay rabaan in garab siiyan nimankan afganbiga gaystay noqdaana kuwii qoddan lahaa macdanta iyaggu, dhimashada gudoomiyihii kooxdan Wegner waxa laga yaaba inay qorshahan wax ka badasho.