Waxoodi ayay bilabeen

Abdi hoosow oo ah siyaasi reer baydhabo ah ayaa laga hayay, qof danbi kasta oo uu galo qiil ayaa loo raadiya lagu bari-yeelo, halka qof kale loola dhaqmo inuu yahay marti oo hadii uu galo danbi ay tahay in labo jeer la ciqaabo.

Wuxu yidhi: cabdiraxman cabdishakuur waxa uu la yimid aragti ah in qofka la fikirka ahi uu ku tageero dhaqaale si fikirkani u noqdo mid xor ah oo inta aaminsan uuni ay maalgashadeen, somalidu way soo dhawaysay wayna boggaadisay aragtiddan cusub balse haddii aan anigu intaa samayn lahaa waxa lay odhan lahaa waxoodii ayuu la yimid siyaasadiina ama waxoodii ayay bilaabeen.

masaajid wayn hadaan imaam ka noqon lahaa, waxaan odhan lahaa uun sharciga innaga waashay oo dadka kala saraysiiyay, qof waxa uu yidhi waa suubane aan danbaabin qofna waa dheeraad muddan in laba jeer la ciqaabo, qayladdan iyo dagaaladan aad arkaysaana waa uun wadiiqo ay dadka qaar is leeyihiin ku gaadha darajadda ugu saraysa ee sharcigeenu jideeyay.

Sharciga markii la is yidhi daweeya ayaa dhakhaatiirtii waxa ay sheegen in laba cudur uu ku dhacay, waxa iskugu biiray macaan iyo dhiikar, dawada macaanka u rooni waxa ay halis ku tahay dhiikarka halka dawada dhiikarka u rooni ay macaanka u daran tahay.

Naqna reerka kuma furin

Ii maqan nasiibka iyo

Nasrigii illaahay

Waanan naawilaaya

Culumooy idinku nowda iga dhawr.