Ethiopia wadan ahaan ma hayso dhaqaale ay ku maarayso xal u helida dabka dhaxdeeda ka alloosan, marka ay noqoto in ay weerar qaado ka baxsan dalkeeda ahna wayba kasii adkaanaysaa hawshu, dhabtu se waxa ay tahay in ay leedahay han sare oo ah inay dhulkaa somalida ee iska dayacan badd ka hesho, siyaasad Ahaana ay iyaddu gacanta ku hayso iyadda oo qabiiladda somalida isku khuukhinaysa.
Hankaa saree ay leedahay waxa ay ka iibisay France oo 2019 ay la saxeexatay heshiis uu ugu soo tababarayo ciiddamo baddeed kana caawiyo qalabka ay u baahan tahay, France waa xoog raba inuu geeskan Africa ku yeesho saamayn gaar ahaan badda cas madaama ayna hadda sidaa iskugu fiicnayn jabouti, France isaga ayaa diyaar u ah inuu ka difaaco majlisyadda caalamiga ah ethiopia siiyana wixii kharash iyo qalab ay u baahataba.
Dhanka kale UAE iyo UK iyaggu dan kale ayay wataan oo ah sidii dekedda Berbera ay dhaqaalaheedda kor ugu kicin lahaayen, UAE Berbera way maal gashatay wakhti baana ku socda oo affartanka sano marka uu u dhamaado waa inay ka xamaan urursato, UK maalgalinta ayay wax ku darsatay oo inta la ogyahay waddada Hargeisa korka ka marta iyadda lacagteeda bixisay, labaddan wadanba waxa ay rabaan Ethiopia inay Berbera ka adeegato si ay uga faa’iidaan.
Ethiopia xoog marka ay wax ku rabto waxa ka danbeeya France oo wax walba ula diyaara iyo China oo isna fulinta mashruuca lahaan doona kolay iyo UAE , UK oo iyagna dantoodu tahay inay qasbaan Somaliland si ay usoo jiidato ethiopia.
Arrintu sidaas ayay iskugu xidhan tahay in laga fiirsado lana abaaro halka culaysku ka imanaayona waa muhiim, haddii se lagu wareero Ethiopia iyo Somaliland oo labadaba dabada laga riixayo waa uun “jug jug meeshadda joog”
0 Comments